من داخل السجن

وانا صغير امي الحبيبه ما كانت تخليني اغيب عن عينها وايد

دايما تنصحني أني ابتعد عن المشاكل
وان ما احاول اجرح اي حد من الناس
كبرت يالعزيزه واخفيت ماتعلمته من الشارع الي هو المدرسه والفريج
كل سوء ... يااماه العالم من برع يعيشون شبه السلام لكن في الحقيقه هم غابه
اماه رفقاء الزينين مثل رفقاء السوء
مافي فرق يذكر لان هم اﻻثنين مايعرفون صداقه بالهوى سوا
ماتميت اطلع من البيت وايد مثل ما وعدتج
عشت وحيد غالب الوقت من اﻻصحاب
وكتبت الاشعار بدل اﻻحباب
لكن هي بس مره
حظي ..مكتوب لي اكون محجوز بين اربع جدران
اماه الناس تحمدلله على التفريج عنهم
وانا احمد الله أن ماشفتي القيود في يديا والسلاسل في رجلي
اسم الله عليج انتي مريضه وانا مافكرت كثير ...اعتمدت على الخيال الحسن
قلت اليوم بيخلوني اطلع ..إذا مب اليوم باجر ..ومرت تسعة اشهر
نقولوني من ثلاث اماكن إلى اربع
واحرموني من سماع صوتج كل يوم ماما
قلبي ساكنيه اثنين
الشوق لج ...واليأس من مصيري
صدقيني. أنا مب غلطان ماما
وما اسوى بوجودي دمعه منج
فلا تذرفينها على شخض
حظه قاده للحبس ..وامنيتي ان ما يجي لهذي الدنيا من اﻻساس